wrapper

Ma’lumki, futbol bo‘yicha O‘zbekiston olimpiya terma jamoasi oldiga 2020-yili Yaponiyada bo‘lib o‘tadigan Olimpiada yo‘llanmasini qo‘lga kiritish vazifasi qo‘yilgan.

Yaqinda bu vazifani amalga oshirish uchun jamoaga bosh murabbiy sifatida serbiyalik mashhur mutaxassis Lyubinko Drulovich chaqirilgan edi. Ayni paytda olimpiyachilarimiz ushbu mutaxassis qo‘l ostida yig‘ilgan va mashg‘ulotlar olib bormoqda.

Ahamiyatli tomoni, yig‘inga “Nasaf” jamoasidan biryo‘la 10 nafar futbolchi chaqirilgan. Bular Umidjon Ergashev, Mashhurjon Muhammadjonov, SHerzod Nasrullayev, Dilshod Saidov, Ilhom Alijonov, Sharof Muhitdinov, Islom Rashidxonov, Islom Kenjaboyev, Bobir Abduholiqov va Azizjon G‘aniyevdir.

Eslatib o‘tamiz, olimpiya terma jamoamiz 14-fevralga qadar Toshkentda mashg‘ulotlar olib boradi va 15-25- fevral kunlari tayyorgarlikni Ispaniyada davom ettiradi.

J.BOYMURODOV

Avval xabar berganimizdek, Ozarbayjonning yetakchi ishlab chiqaruvchilaridan biri - "Matanat A" kompaniyasi vakillaridan iborat delegatsiya Qamashi tumaniga kelgandi.

Investorlar hududdagi shart-sharoit, ishbilarmonlik muhiti, infratuzilma, xom ashyo bazasi bilan yaqindan tanishgan va zamonaviy qurilish materiallari ishlab chiqarishga qiziqish bildirgan.

Viloyat hokimligi kotibiyat mudiri Ulug‘bek Ernazarovning ma’lum qilishicha, ushbu tanishuvdan so‘ng chet ellik hamkorlar viloyatimizda biznes boshlashga jiddiy qaror qilishgan. Ahamiyatlisi, Ozarbayjon Respublikasi iqtisodiyot vazirining mamlakatimizga tashrifi doirasida "Matanat A" kompaniyasi rahbariyati va Qashqadaryo viloyati hokimligi o‘rtasida hamkorlik memorandumi imzolangan. Marosimda viloyat hokimining o‘rinbosari Oybek Shagazatov qatnashgan.

Ta’kidlanishicha, mazkur firma taklif etgan istiqbolli loyiha qiymati 20 million AQSH dollariga baholangan. Uning doirasida Qamashi tumanida gipsokarton, quruq qurilish qorishmasi singari raqobatbardosh mahsulotlar ishlab chiqaruvchi yirik quvvatni ishga tushirish belgilangan. Asosiysi, xom ashyo muammo bo‘lmaydi, chunki bu hududda qurilish materiallari tayyorlashda ishlatiladigan gipsning salmoqli zaxirasi mavjud.

M.SHUHRATOV

dimanche, 10 février 2019 00:00

Maxsus taktik o‘quv mashg‘uloti o‘tkazildi

Avtor

Muborak tumanida huquqni muhofaza qiluvchi organlar tomonidan maxsus taktik o‘quv mashg‘uloti o‘tkazildi. Unda huquq-tartibot organlarning jamoat tartibi va xavfsizlikni ta’minlashdagi mas’uliyatini kuchaytirish, fuqarolarning huquq va manfaatlarini himoya qilishda, kutilmagan vaziyatlarda kuch va vositalar, zamonaviy boshqaruv usullarini qo‘llagan holda xavfni bartaraf etishda ichki ishlar organlarini yuqori tayyorgarlikka keltirishga asosiy e’tibor qaratildi.

 Viloyat IIBdan ma’lum qilishlaricha, hududda favqulodda vaziyatlar sodir bo‘lganda shaxsiy tarkib tomonidan to‘g‘ri qaror qabul qilish hamda belgilangan vazifa va topshiriqlarni mahorat bilan bajarish, maxsus rejalarga asosan ishlarning puxta tashkillashtirilishi o‘quv mashg‘uloti davomida o‘rganilib, amalda sinovdan o‘tkazildi.

 Shartli ravishda garovga olingan shaxslarni ozod qilish, jinoyatchilarni zararsizlantirish va qo‘lga olish bo‘yicha soha xodimlari professional mahorat va jangovar shaylik darajasini namoyon etdi.

 N.XO‘JAYEV

O‘zbekiston Respublikasi Prezidentining viloyatimiz shahar va tumanlaridagi Xalq qabulxonalariga 15 ta “Cobalt” rusumli zamonaviy xizmat avtomobillari berildi.

 Viloyat hokimi Zafar Ro‘ziyev, viloyat Xalq qabulxonasi mudiri Abduhalim Xolmahmatov, viloyat prokurori Botir Yusupov va ichki ishlar boshqarmasi boshlig‘i Dilshod Tursunbayev xizmat avtomobillari kalitini o‘z egalariga topshirdi.

 Tadbir davomida Prezidentimizning joriy yil 17-yanvardagi “Aholi muammolari bilan ishlash tizimini yanada takomillashtirish chora-tadbirlari to‘g‘risida”gi farmoni bilan 2019-yil 1-fevraldan Xalq qabulxonalari muammolarni odatdagi tartibga qo‘shimcha tarzda uyma-uy yurish orqali aniqlashi va hal etishi belgilangani, soha xodimlari uchun yaratilayotgan sharoitlar faoliyat samaradorligini yanada oshirishi, ayniqsa, chekka qishloqlarga borish va u yerda istiqomat qilayotgan yurtdoshlarimiz muammolarini hal etish imkoniyatini kengaytirishi qayd etildi.

Koreya Respublikasining “Luminaire Technology Co., LTD” kompaniyasi 10 nafar rasmiy vakilidan iborat delegatsiya viloyatimizda mehmon bo‘lib turibdi. Koreyaning biznesmenlari  Mirishkor tumanida sarmoyaviy faoliyatni amalga oshirishga jiddiy qiziqish bildirmoqda. Bu haqda tuman hokimining o‘rinbosari Nodir Yusupov ma’lum qildi.

Mutasaddining bildirishicha, asosan ko‘cha yoritgichlari ishlab chiqarish bilan shug‘ullanuvchi mazkur kompaniya Mirishkorda xuddi shu yo‘nalishda korxona tashkil etishi mumkin. Qat’iy kelishuvga borishdan avval chet ellik investorlar vohamizdagi shart-sharoit, ishbilarmonlik muhiti bilan yaqindan tanishishni ma’qul ko‘rishgan. Mirishkor tumanida kelgusida ishga tushishi ehtimoli bo‘lgan yangi korxona qurish uchun maqbul hisoblangan joylarni ham ko‘zdan kechirishgan.

E’tiborlisi, ushbu tashrif avvalida koreyalik mehmonlar viloyat hokimi Zafar Ro‘ziyev qabulida bo‘lishgan. Uchrashuv asnosida xorijlik ishbilarmonlar o‘z mahsulotlari taqdimotini ham o‘tkazishgan. Kompaniya ishlab chiqarayotgan ko‘cha yoritgichlari Qarshi shahrida sinab ko‘rildi.

Qayd etish joizki, tomonlar hali aniq bir qarorga kelmagani bois kiritilajak sarmoya miqdori, yaratilajak ish o‘rni va korxona quvvati ma’lum emas.

M.JO‘RAYEV

M.KOMILOV olgan surat.

mardi, 05 février 2019 00:00

O‘quvchilar mutolaaga oshno bo‘lishadi

Avtor

Joriy yilning 4-fevralidan 25-mayiga qadar yurtimiz bo‘ylab “Kitob haftaligi” o‘tkazilmoqda.

Haftalik tadbirlari ona tili va adabiyot fani darslarida, tarbiyaviy soatlar jarayonida hamda o‘quvchilarning darsdan bo‘sh vaqtida tashkil etilishi belgilangan. Jadvalga binoan har hafta belgilangan adabiyotlar sinflar kesimi bo‘yicha mutolaa qilinadi.

Axborot-resurs markazi, sinf rahbarlari, ona tili va adabiyot fani o‘qituvchilari, kutubxonachilar va yoshlar yetakchilari ishtirokida “Kitob haftaligi”ni mazmunli o‘tkazish reja-jadvali ishlab chiqilgan.

Ayni paytda viloyatimizdagi barcha ta’lim darogohlarida belgilangan reja asosida tadbirlar tashkil etilmoqda.

- Haftalik doirasidagi tadbirlar o‘quvchilarning adabiyotga, kitobga bo‘lgan mehrini yanada oshirishga xizmat qiladi, - deydi Qarshi shahridagi 44-maktab o‘qituvchisi Lobar Qodirova. – Ular yoshiga mos tarzda tanlangan o‘zbek milliy hamda jahon adabiyoti namoyandalarining sara asarlarini, she’r, hikoya, qissa hamda qiziqarli ertaklar mutolaa qilishmoqda.

Adabiyotshunoslar, ijodkorlar, kutubxona mutaxassislari, tajribali o‘qituvchilarning tadbirga jalb etilib, o‘quvchilarga muayan asar haqida turli ma’lumotlarni berishi ham ularning bilimlarini yanada boyitishga xizmat qiladi.

S.ALLAYOROVA

S.NARZIYEV olgan surat.

1-2-fevral kunlari mamlakatimiz poytaxtda dzyudo bo‘yicha 1999-2000-yillarda tavallud topgan sportchilar o‘rtasida O‘zbekistonda xizmat ko‘rsatgan murabbiy Nikolay Qo‘ldoshev xotirasiga bag‘ishlangan xalqaro turnir bo‘lib o‘tdi.

Qarshi shahrida voleybol bo‘yicha 2003-2004- yillarda tug‘ilgan o‘smir bolalar va qizlar o‘rtasida viloyat birinchiligi musobaqasi o‘tkazildi.

Viloyat jismoniy tarbiya va sport boshqarmasi, voleybol federatsiyasi hamda boshqa mutasaddi tashkilotlar hamkorligida tashkil etilgan turnirda viloyatning barcha shahar va tumanlaridan 24 ta jamoa ishtirok etdi.

O‘g‘il bolalar o‘rtasida qizg‘in va murosasiz kechgan bahslar natijalariga ko‘ra, Qarshi ixtisoslashtirilgan olimpiya zaxiralari maktab-internati yigitlari 1-o‘rinni, Mirishkor tumani jamoasi 2-o‘rin hamda Koson tumani sportchilari 3-o‘ringa munosib topildi.

Shuningdek, qiz bolalar o‘rtasida o‘tgan musobaqalarda 1-o‘ringa Qamashi tumani bolalar va o‘smirlar sport maktabi jamoasi, 2-o‘ringa Chiroqchi tumani BO‘SM voleybolchilari hamda 3-o‘ringa Chiroqchi tumanidagi Ko‘kdala BO‘SM qizlari sazovor bo‘lishdi.

G‘olib va sovrindor jamoalar tashkilotchilar tomonidan diplom va qimmatbaho sovg‘alar bilan taqdirlanishdi. Shu bilan birgalikda, g‘olib jamoalar 10-17 fevral kunlari Qarshi shahrida o‘tkaziladigan O‘zbekiston chempionatiga yo‘llanmani ham qo‘lga kiritishdi.

S.ALLAYOROVA

Qarshi yog‘ ekstraksiya" aksiyadorlik jamiyatining umumiy maydoni qariyb 15 gektarni tashkil etadi. Uning asosiy qismini ishlab chiqarish obyektlari va yordamchi bino-inshootlar egallagan bo‘lsa-da, ma’lum yer maydonidan maqsadli foydalanilmay kelinmoqda. Shuni e’tiborga olib, kelgusida ushbu korxonaning bo‘sh turgan hududida ixtisoslashgan kichik sanoat zonasi barpo etish ko‘zda tutilgan. Bu haqda Prezidentimizning joriy yil 16-yanvardagi "Yog‘-moy tarmog‘ini yanada rivojlantirish bo‘yicha qo‘shimcha chora-tadbirlar va sohani boshqarishda bozor mexanizmlarini joriy etish to‘g‘risida"gi qarorida keltirib o‘tilgan.

Bu hujjatga muvofiq, mazkur ro‘yxatga "O‘zpaxtayog‘" AJ tarkibiga kiruvchi "Koson yog‘ ekstraksiya" aksiyadorlik jamiyati ham kiritilgan. Ushbu korxonaning bo‘sh maydonida ham maxsus sanoat majmuasi tashkil qilish bo‘yicha taklif berish vazifasi mas’ul vazirlik va idoralarga topshirilgan.  Xo‘sh, bundan ko‘zlangan maqsad nima?

- Albatta, asosiy muddao yog‘-moy korxonalari tasarrufidagi foydalanilmay kelinayotgan yer maydonlarini samarali ishlatish, ular negizida ishlab chiqarish quvvatlarini yo‘lga qo‘yishdan iborat, - deydi "Qarshi yog‘ ekstraksiya" AJ boshqaruvi raisi Farruh Alimov. - Shunchaki saqlab turib, soliq to‘lashdan ko‘ra samarali foydalangan har tomonlama ma’qul. Hozirda jamiyatimiz tomonidan ham shu masala ko‘rib chiqilmoqda. Faoliyat yo‘nalishidan tashqari, qo‘shimcha yo‘nalishlarni ishga tushirish rejada bor. Ammo hali bir to‘xtamga kelmadik. Zamonaviy issiqxona qurish taklifi ilgari surilmoqda. O‘z navbatida chet ellik investorlar, Germaniya, Turkiya va Chexiya mamlakatlari ishbilarmonlari hamkorlikka qiziqish bildirgan. Muhimi shuki, bu tadbirning qo‘llanishi faqat foydaga xizmat qiladi, ish o‘rinlari yaratiladi.

Yana bir jihati, davlatimiz rahbari qaroriga ko‘ra, bir qator xo‘jalik birlashmalarining aksiya ulushlarini Davlat aktivlarini boshqarish agentligiga o‘tkazish belgilangan. Kelgusida ushbu xo‘jalik jamiyatlarining ustav kapitalidagi davlat aksiya paketlari (ulushlari)ni belgilangan tartibda sotish choralari ko‘riladi. Bu ro‘yxatga kiritilgan "Koson yog‘ ekstraksiya" va "Qarshi yog‘ ekstraksiya" aksiyadorlik jamiyatlari ustav kapitalida "O‘zpaxtayog‘" AJ ulushi 51 foizdan ekani keltiriladi.

Bu borada amalga oshiriladigan islohotlar soha korxonalarida ilg‘or texnologiyalarni o‘zlashtirishga, investitsiyalarni faol jalb qilish va tarmoqning jadal rivojlanishiga xizmat qilishi ta’kidlanadi.

M.SHUHRATOV

"Ehtirom-2018"

"OQ KEMA" YILNING ENG YAXSHI SPEKTAKLI DEYA E’TIROF ETILDI

Toshkent shahrida "Ehtirom-2018" mukofoti sovrindorlarini taqdirlash marosimi bo‘lib o‘tdi.

Marosimda "Yilning eng yaxshi spektakli", "Yilning eng faol aktrisasi", "Yilning eng faol aktyori" kabi 31  nominatsiya bo‘yicha mukofotlar o‘z egalariga topshirildi.

G‘oliblar orasida vohamiz vakillari ham bor. Xususan, "Eng tashabbuskor hududiy boshqarma boshlig‘i" nominatsiyasida g‘oliblik viloyat madaniyat boshqarmasi boshlig‘i Salim Sayimovga nasib etgan bo‘lsa, "Yilning eng yaxshi spektakli" nominatsiyasida viloyatimiz musiqali drama teatrida Chingiz Aytmatov asari asosida sahnalashtirilgan "Oq kema" spektakli e’tirof etildi. Mukofotni teatr truppa rahbari, "Shuhrat" medali sohibi Qurbon Berdiyev qabul qilib oldi.

 O‘zbekiston Madaniyat vazirligi tomonidan yurtimizda faol va sermahsul ijod qilayotgan san’at va madaniyat vakillari hamda o‘z ijodiy tajribalari bilan yoshlarga ibrat bo‘layotgan ustoz san’atkorlarni qo‘llab-quvvatlash maqsadida tashkil etilgan tanlovda ishtirokchilar "Teatr, kino va ommaviy tomoshalar", "Estrada va an’anaviy, opera xonandalik, musiqa ijrochiligi va raqs san’ati", "Tasviriy va amaliy san’at", "Badiiy ijod, jurnalistika va televideniye", "E’tibor, ehtirom, e’zoz" kabi 5 ta yo‘nalish bo‘yicha  saralandi.

- Respublikamizda 38 ta davlat teatri bo‘lib, ular tomonidan yil davomida 154 ta spektakl yaratilgan, - deydi Qurbon Berdiyev. - Teatrimizda yosh rejissor Asqar Xolmo‘minov tomonidan sahnalashtirilgan  "Oq kema" spektaklining e’tirof etilishi ijodiy jamoamiz ishiga berilgan yuksak baho bo‘lib, bizni yangi yutuq va muvaffaqiyatlar sari ilhomlantiradi.

Viloyat musiqali drama teatri jamoasining bu yilgi rejalari bisyor. Ayni damda bu yerda taniqli rejissor Bahodir Yo‘ldoshev Turob To‘la asari asosida "Nodirabegim", rejissor Olimjon Salimov Tog‘ay Murod qissasi asosida "Ot yig‘lagan tomonda" spektakllari ustida ish olib bormoqda.

Sojida ALLAYOROVA

Page 1 sur 34

Address


Address: Kashkadarya region, Karshi city,Independence squre, 1
Post index:180100
Telephone
: 0(375)221-12-88, 0(375)221-03-81
Fax
: 0(375)221-13-40
Web site
http://www.qashqadaryo.uz
Email adress
Hear bus stop 
Nasional Bank Kashkadarya region and Independence squre station
Automachine
1,4,5,7,10,18,20,22,23,27,
37,44,462,11,21,37,33

Online users

Nous avons 459 invités et aucun membre en ligne

Useful resources

The press of president of the Republic Uzbekistan
www.press-service.uz
   
The Senate's meeting of the Republic Uzbekistan
www.senat.uz
   
The legality chamber of the Republic Uzbekistan Supreme Minister
www.parliament.gov.uz
   

The goverment chamber of the Republic Uzbekistan
www.gov.uz

   
The represent of human rights of the Republic Uzbekistan Supreme Minister
www.ombudsman.uz
   
The main prosecution of the Republic Uzbekistan
www.prokuratura.uz

 

Mobile Applications

Maxsus imkoniyatlar

K'orinish

Pastda o'zingizga kerakli parametrni tanlasng
Blue Green Red Radian
Select menu
Google Font
Body Font-size
Body Font-family