Xorijiy investisiyalar faol say-harakatlar samarasi Qo'shilgan sana: 2009-05-11 Muallif: Temur NIZOMOV Joriy yilning birinchi choragida viloyatimizda 19 ta loyiha doirasida 65,9 million AQSh dollari miqdorida xorijiy investisiyalar jalb qilindi. Uch oy davomida vohamiz iqtisodiyotiga kiritilgan chet el sarmoyalarining 81 foizini (yoki 53,3 million dollar) to'g'ridan-to'g'ri investisiyalar tashkil etadi.
Sohaga oid statistik ma'lumotlarga tayanadigan bo'lsak, jalb etilgan xorijiy investisiyalarning umumiy miqdori o'tgan yilning shu davriga nisbatan 102 foizga oshdi. To'g'ridan-to'g'ri xorijiy investisiyalar hajmi bo'yicha esa o'sish ko'rsatkichi 115,8 foiz darajasiga etdi.
Mutaxassislarning ta'kidlashicha, shu yilning yanvar-mart oyida o'sish sur'ati ayniqsa, hududiy investisiya dasturiga kiritilgan korxonalar loyihalari bo'yicha ancha salmoqli bo'ldi. Ularning soni o'tgan yilning xuddi shu davridagiga nisbatan atigi bittaga oshgan bo'lsa-da, umumiy miqdori qariyb 2 baravar (198,4 foizga) ortdi. Bu boradagi yuksalish nafaqat ?Ko'kdumaloq gaz? va ?Sho'rtan gaz mahsulot? qo'shma korxonalari, balki turli sohalarga minitexnologiyalar va ixcham uskunalar kiritayotgan tadbirkorlik sub'ektlarining faol sa'y-harakatlari samarasidir.
Ko'rildi 277 marta |
