“ALLO” a’loga hamohang Qo'shilgan sana: 2010-02-01 Muallif: Z.OYMAMATOVA.
Respublikamizda keng miqyosda faoliyat yuritib kelayotgan “Bilayn” aloqa operatorining ( “Yunitel” MChJ va “Buston” MChJ QK) janubiy hududiy filialining majlislar zalida maxsus imtiyozlarga ega bo'lgan yangi “Allo” tarif rejasining taqdimotiga bag'ishlangan matbuot anjumani bo'lib o'tdi.
Tadbirda “Bilayn” kompaniyasi bugungi kunda 10 dan ortiq mamlakatlar bozorida muvaffaqiyatli faoliyat ko'rsatib kelayotgani, o'tgan yil kompaniya uchun integrasiya yili shiori ostida o'tgan bo'lsa, 2010 yil – hududiy rivojlanishga qaratilishi haqida ta'kidlandi.
- “Bilayn” kompaniyasi O'zbekiston bozorida ham muhim o'rin egallab kelmoqda,-deydi “Yunitel” MChJning janubiy hududiy filialining tijorat direktori Bahodir Abdusamatov. - Bugungi kunda “Bilayn”ning noyob raqobat afzalliklari, yangi xizmat turlarining takomillashuvi qatorida taklif etilayotgan “Allo” tarif rejasi soddaligi va hammabopligi bilan ajrlib turadi. Bu “so'm tarif rejasi” bo'lib, abonentlar uchun chiquvchi qo'ng'iroqlar imtiyozli, “Bilayn” abonentlari uchun muloqotning bir necha daqiqasidan keyin 1 daqiqa uchun atigi 5 so'm hisoblanadi. Aloqaning yuksak sifati, so'mli tariflash va past narxlar mijozlarga manzur bo'ladi, deb umid qilamiz.
Ko'rildi 162 marta |
