Adabiyot va barkamol avlod tarbiyasi Qo'shilgan sana: 2010-02-01 Muallif: Admin
S.Nasafiy nomli viloyat axborot-kutubxona markazida O'zbekiston Yozuvchilar uyushmasi viloyat bo'limi tashabbusi bilan «Adabiyot va barkamol avlod tarbiyasi» mavzuida davra suhbati tashkil etildi.
Unda viloyatimizda ijod qilayotgan bir guruh yozuvchi va shoirlar, rassomlar, teatr rejissyorlari, xalq ta'limi va ommaviy axborot vositalari xodimlari hamda yosh ijodkorlar ishtirok etishdi. Davra suhbatida so'zga chiqqan yozuvchi va adabiyotshunos olim Poyon Ravshanov, yozuvchilar uyushmasi viloyat bo'limi raisi Ismoil To'xtamishev, hajvchi-yozuvchi Muhammad Ochil, «Eski masjid» teatr-studiyasining rejissyori Isoq To'raev, O'zbekiston Badiiy akademiyasi viloyat bo'limi raisi Azamat Sattorov, ma'naviyat-targ'ibot markazi viloyat bo'limi rahbari Lola Saodatova va boshqalar bugungi adabiy jarayon, uning yosh avlod tarbiyasidagi o'rni haqida so'z yuritib, bolalar adabiyotini rivojlantirish, o'zaro hamkorlikni yanada kuchaytirish, maktablarda faoliyat yuritayotgan adabiyot to'garaklarini yanada rivojlantirish voha ijodkorlari oldida turgan muhim vazifalardan biri ekanligini alohida ta'kidlashdi.
Ko'rildi 261 marta |
