Islohatlar samarasi Qo'shilgan sana: 2010-02-09 Muallif: A.MURODOV Islohatlar samarasi
Xabaringiz bor, viloyat hokimligida Qashqadaryo va Surxondaryo viloyatlari
hokimlarining o'rinbosarlari, ma'naviy-ma'rifiy ishlar bo'yicha yordamchilari,
shahar va tumanlar hokimlarining siyosiy, ijtimoiy va iqtisodiy sohalardagi
bilim va malakalarini oshirish maqsadida mintaqaviy seminar o'tkazilayapti.
Seminar rahbar kadrlarni dunyoda, respublikamizda ro'y berayotgan siyosiy, iqtisodiy va ma'naviy o'zgarishlar va yangilanishlar bilan yanada yaqinroq tanishtirish imkonini yaratmoqda. Shahar va tumanlarda iqtisodiyotni rivojlantirish, aholi bandligini ta'minlashda nimalarga e'tibor qaratish lozimligi xususida tushuncha berilmoqda.
- Hozirgi paytda jahonda kechayotgan globallashuv va moliyaviy-iqtisodiy inqiroz jarayoni oldimizga yangi vazifalarni qo'yadi, - deydi Qumqo'rg'on tumani hokimi Jalg'ash Mamatmo'minov. -Shubhasiz, bu hokimlarimizni va rahbar xodimlarni hushyorlikka chorlashi, ertani o'ylab fikr yuritishga, o'zgalar hayoti, taqdiri uchun mas'ul ekanligini doimo his etib turishga undashi turgan gap. Shunday ekan fuqarolar ijtimoiy himoyasini yanada kuchaytirishimiz, joylarda qo'shimcha ish o'rinlarini yaratish, ishlab chiqarishni hamda dehqonchilikni, bog'dorchilikni, chorvachilikni rivojlantirish masalalariga e'tiborni oshirishimiz kerak. Seminarda ana shular va boshqa dolzarb masalalar yuzasidan atroflicha fikr yuritilayapti, keng tushuncha berilayapti.
Albatta, barcha sohalarda olib borilayotgan o'zgarishlar, islohotlar samarasi joylardagi rahbarlarning bilim va taj-ribasiga, jonbozligiga, mas'uliyatiga bog'liq. Shu bois ham o'tkazilayotgan mintaqaviy seminarning ahamiyati katta.
Suratda: o'quv jarayonidan lavha.
Suratchi S.NARZIYEV.
Ko'rildi 173 marta |
