Bugungi rahbar Qo'shilgan sana: 2010-02-15 Muallif: A.MURODOV
Viloyat hokimligida Qashqadaryo va Surxondaryo viloyatlari hokimlarining o'rinbosarlari, ma'naviy-ma'rifiy ishlar bo'yicha yordamchilari, shahar va tumanlar hokimlari ishtirokida o'tkazilgan mintaqaviy seminar yakuniga etdi.
Bugungi rahbarning zimmasidagi vazifalar bir talay. Birgina Barkamol avlod yilining o'zida amalga oshirilishi lozim bo'lgan masalalarni aytmaysizmi?!
Shu bois har yili ana shunday o'quv-seminar tashkil etilmoqda. Maqsad rahbar kadrlarning bilimi va malakasini yanada oshirishdan iborat. Bunda albatta, Prezidentimizning “Yuksak ma'naviyat – engilmas kuch” asari, O'zbekiston Respublikasi Oliy Majlisi Qonunchilik palatasi va Senatining joriy yil 27 yanvardagi qo'shma majlisi hamda Vazirlar Mahkamasining 2009 yilning asosiy yakunlari va 2010 yilda O'zbekistonni ijtimoiy-iqtisodiy rivojlantirishning eng muhim ustuvor yo'nalishlariga bag'ishlangan majlisidagi ma'ruzalarini o'qib, o'rganish, shu asosda dasturlar tuzish va hayotga joriy etish muhim ahamiyatga egadir. Qolaversa o'n kun davomida yangi qonunlar mazmun-mohiyati bilan tanishish besamar ketmaydi.
-Seminar davomida zamonaviy rahbar yangicha fikrlaydigan, bilimli, tashabbuskor, izlanuvchan, tadbir bilan ish yuritadigan, qolaversa boshqalarni ortidan ergashtira olishdek sifatlarga ega bo'lishi lozimligini yanada teranroq his etdik, - deydi Dehqonobod tumani hokimi Abdishukur Omonov. - Endigi vazifamiz bu erda olgan bilimlarimizni hayotga tatbiq etish, amalda qo'llashdan iborat. Joriy yil tumanimiz uchun muhim davr hisoblanadi. Yurtboshimiz tashabbusi bilan bunyod etilayotgan kaliyli o'g'itlar zavodining ishga tushirilishi yuzlab dehqonobodlik yoshlarning ish bilan ta'minlanishiga, eng asosiysi, tuman iqtisodiyotining yuksalishiga xizmat qiladi.
O'quv davomida ishtirokchilarning bilimlari, saviyasi baholab borildi. Mashg'ulotlar yakunida test sinovlari o'tkazildi.
Seminar yakunida O'zbekiston Respublikasi Prezidenti Davlat maslahatchisining o'rinbosari Sh.Fayziev, Prezident devoni mas'ul xodimi A.Mirahmedov va viloyat hokimi N.Zayniev o'quv ishtirokchilariga respublika Prezidenti huzuridagi Davlat va jamiyat qurilishi akademiyasining guvohnomalarini topshirdilar.
Ko'rildi 154 marta |
