Viloyat vakillari etakchi Qo'shilgan sana: 2010-02-15 Muallif: F. XOLMIRZAYEV Viloyat ichki ishlar boshqarmasi yong'in xavfsizligi boshqarmasiga qarashli 5-harbiylashgan yong'in xavfsizligi otryadi va 15-harbiylashgan yong'in xavfsizligi qismi 2009 yilda respublikamizda o'tkazilgan “Yong'in xavfsizligi oyligi”da eng faol ishtirok etgan jamoalar sifatida e'tirof etildi.
Shuningdek, Sho'rtan gaz-kimyo majmuasi ham mazkur oylikda “O'zbekneftgaz” Milliy xolding kompaniyasi tizimidagi korxonalar orasida etakchilikni qo'lga kiritdi.
-Bu marralarga erishish albatta, o'z-o'zidan bo'lgani yo'q, - deydi 5-harbiylashgan yong'in xavfsizligi otryadining muhandis-inspektori, mayor Erkin Aminov. – O'tgan yilda xodimlarimiz tomonidan Sho'rtan gaz-kimyo majmuasidagi 1011 ta maskan ko'zdan kechirildi. Ishchi-xodimlar va aholi o'rtasida muntazam ravishda tushuntirish ishlari olib borilmoqda. Tekshirishlar natijasiga ko'ra, 826 ta nosoz gaz uskunalari uzib qo'yildi. Yong'in xavfsizligi qoidalarini qo'pol ravishda buzgan 334 nafar fuqaroga nisbatan ma'muriy choralar qo'llanildi.
Ko'rildi 172 marta |
