Ayollarni sog’lomlashtirish haftaligi doirasida Qo'shilgan sana: 2010-02-15 Muallif: Shohista Prezidentimizning 2009 yil 1 iyuldagi “2009-2013 yillarda aholining reproduktiv salomatligini mustahkamlash, sog'lom bola tug'ilishi, jismoniy va ma'naviy barkamol avlodni voyaga etkazish borasidagi ishlarni yanada kuchaytirish va samaradorligini oshirish chora-tadbirlari Dasturi to'g'risida”gi Qarori ijrosini ta'minlash maqsadida Kitob tumanidagi Oxunboboev qishloq vrachlik punktida “Sog'lom ona - sog'lom bola” mavzusida davra suhbati bo'lib o'tdi.
Respublika akusherlik va ilmiy tekshirish instituti viloyat filiali, respublika salomatlik va tibbiy statistika institutining viloyat filiali, viloyat ona va bola skrining markazi, Kitob tuman tibbiyot birlashmasi hamkorligida tashkil etilgan ushbu davra suhbatida qishloq vrachlik punkti hududidagi qishloqlarning xotin-qizlari hamda soha mutaxassislari ishtirok etdilar.
Davra suhbatida aholining reproduktiv salomatligini mustahkamlash tizimini takomillashtirish, tug'ish yoshidagi ayollarda yod tanqisligining oldini olish, ularni homiladorlik davrida parvarishlash, ona sutining ahamiyati, homiladorlikning oldini olish va homiladorlikdan saqlanishning chora-tadbirlari xususida gapirdilar. Shuningdek, bolalikdan nogironlikning oldini olish, yoshlarda sog'lom va ahil oila qurishga intilishni shakllantirish bo'yicha tushuntirish ishlarini kuchaytirish lozimligi ta'kidlandi.
Ayollarni sog'lomlashtirish haftaligi doirasida tashkil etilgan ushbu davra suhbatida tug'ish yoshidagi xotin-qizlar tibbiy ko'rikdan o'tkazildi.
Davra suhbati qizg'in savol-javob asosida o'tdi.
Ko'rildi 152 marta |
