Oilam ucun mehnat qilaman Qo'shilgan sana: 2010-02-15 Muallif: Sh.KARIMOVA
Viloyatimizda O'zbekiston Respublikasi Oliy Majlisi Senatining 2009 yil 28 avgustdagi “O'zbekiston Respublikasi mustaqilligi e'lon qilinganligining o'n sakkiz yilligi munosabati bilan amnistiya to'g'risida”gi Qaroriga muvofiq jazoni ijro etish muassasalaridan ozod etilgan yuzlab sobiq mahbuslarni ijtimoiy muhofaza qilish maqsadida ularning ish bilan bandligi ta'minlanmoqda.
Qarshi shahar bandlikka ko'maklashuvchi markazidan olingan ma'lumotlarga ko'ra jami jazoni ijro etish muassasalaridan 141 nafar fuqaro ozod etilgan bo'lib, ularning 7 nafari sog'liqlarini tiklash uchun tibbiy muassasalarda ro'yxatda tursa, 3 nafari nogironlik nafaqasi bilan ta'minlangan. Mehnatga layoqatli bo'lganlarning 131 nafaridan 128 nafari ish bilan ta'minlandi. 3 nafarini ish bilan ta'minlash choralari ko'rilmoqda.
- Amnistiyaga muvofiq muddatidan oldin jazodan ozod etilgandim, - deydi Qarshi shahrilik Shuhrat Oripov. - Qarshi shahar bandlikka ko'maklashuvchi markazi xodimlarining yordami bilan “Bunyodkor qurilish” mas'u-liyati cheklangan jamiyatiga ishga joylashdim. Endi o'z yo'limdan adashmay, oilam uchun mehnat qilaman.
Ko'rildi 210 marta |
