Xodimlar manfaatini himoyalash – bosh vazifa Viloyat kasaba uyushma tashkilotlari birlashmasining katta majlislar zalida viloyat madaniyat xodimlari kasaba uyushmasining V konferensiyasi bo'lib o'tdi. Unda 2005 yildan 2010 yilgacha bo'lgan davrda O'zbekiston madaniyat xodimlari kasaba uyushmasi Markaziy kengashi viloyat vakilligining amalga oshirgan ishlari haqida shu Markaziy kengashning viloyatdagi vakili Bahrom Hikmatovning hisoboti tinglandi. Hisobotda xodimlarning huquq va manfaatlarini himoyalash, ijtimoiy sherikchilikni rivojlantirish, mehnatni muhofaza qilish, mehnatkashlar va ularning oila a'zolarining sog'ligini mustahkamlash, dam olishini tashkil etish, ishchi-xizmatchilarning oylik maoshlarini o'z vaqtida olishlarini ta'minlash, jismoniy tarbiya va madaniy – ma'rifiy ishlar, kasaba uyushma faollarining o'quvini uyushtirish borasida amalga oshirilgan ishlar ta'kidlab o'tildi. Konferensiyada O'zbekiston madaniyat xodimlari kasaba uyushmasi Markaziy kengashining tashkiliy bo'lim mudiri Olga Mixaylovna Kolesnik so'zga chiqdi. Konferensiyada viloyat madaniyat xodimlari kasaba uyushmasining jamoatchilik asosidagi kengashi tarkibi va O'zbekiston madaniyat xodimlari kasaba uyushmasining V qurultoyiga delegatlar saylandi.
