Qashqadaryo viloyati Avtomobil yo‘llari bosh boshqarmasi axborot xizmati ma'lumotiga ko'ra, mazkur tashkilot tizimidagi korxonalarning moddiy-texnik bazasini yaxshilash maqsadida Moliya vazirligi tomonidan ajratilgan mablag‘lar hisobidan umumiy qiymati 27,5 mlrd so‘mga katok, greyder va freza kabi 24 ta maxsus texnika vositalari xarid qilingan.

Shu bois, bugun viloyat Avtomobil yo'llari bosh boshqarma boshlig'i va mas'ullar tomonidan mazkur texnikalarning 14 tasi tizimdagi tuman korxonalariga tantanali ravishda topshirildi.