Qashqadaryo viloyati hokimligi

Guruh va kotibiyatlar

Boshqaruv apparatining tuzilmasi hokimning yordamchisi, tashkiliy-kadrlar guruhi, huquqni muhofaza qilish organlari faoliyati, harbiy safarbarlik va favqulodda vaziyatlar masalalari guruhi, Bolalarni himoya qilish masalalari kotibiyati, yuridik xizmat, axborot-tahlil guruhi, ishlar boshqarmasi, hokim o‘rinbosarlarining kotibiyatlaridan iborat bo‘ladi.

O‘zbekiston Respublikasi Prezidentining “Mahalliy ijroiya hokimiyati organlarinig investisiyalarni keng jalb qilish va innovasiyalarni joriy etish borasidagi faoliyatini takomillashtirish to‘g‘risida” 2017-yil 28-noyabrdagi PQ–3407-son qarori ijrosi to‘g‘risida Viloyat Hokimining 2017-yil 30-noyabrdagi 865-son qaroriga muvofiq belgilandi.

Boshqaruv apparatining ishlari hokim tomonidan tasdiqlanadigan Boshqaruv apparati, hokim, uning birinchi o‘rinbosari va o‘rinbosarlari hamda xodimlarning funksional vazifalari to‘g‘risidagi Nizomga, ushbu Nizom va Ish yuritish bo‘yicha yo‘riqnomaga, shuningdek tashkiliy-kadrlar guruhi, huquqni muhofaza qilish organlari faoliyati, harbiy safarbarlik va favqulodda vaziyatlar masalalari guruhi, yuridik xizmat, axborot-tahlil guruhi, ishlar boshqarmasi, hokim o‘rinbosarlari kotibiyatlari to‘g‘risidagi nizomlarga muvofiq tashkil etiladi.

Hokimning yordamchisi, tashkiliy-kadrlar guruhi, huquqni muhofaza qilish organlari faoliyati, harbiy safarbarlik va favqulodda vaziyatlar masalalari guruhi, bolalarni himoya qilish masalalari kotibiyati mudiri, yuridik xizmati, axborot-tahlil guruhi va ishlar boshqarmasi o‘z faoliyatida hokimga bo‘ysunadi.

Kotibiyatlar hamda tadbirkorlik va ishbilarmonlik muhitini rivojlantirish, eksportga ko‘maklashish va qo‘llab-quvvatlash guruhi o‘z faoliyatida hokimning tegishli o‘rinbosarlariga bo‘ysunadi.

Tashkiliy-kadrlar guruhi rahbari O‘zbekiston Respublikasi Prezidenti Devonining Tashkiliy-kadrlar xizmati bilan kelishgan holda hokimning qarori bilan lavozimga tayinlanadi va lavozimdan ozod etiladi.

Axborot-tahlil guruhi rahbari O‘zbekiston Respublikasi Bosh vazirining birinchi o‘rinbosaridan, xodimlari esa Vazirlar Mahkamasining Hududlarni kompleks ijtimoiy-iqtisodiy rivojlantirish axborot-tahlil departamenti bilan kelishgan holda hokimning qarori (mutaxassislari farmoyish) bilan lavozimga tayinlanadi va lavozimdan ozod etiladi.

Hokim o‘rinbosarining kotibiyati mudiri hokimning tegishli o‘rinbosari taqdimnomasi bo‘yicha viloyat hokimining qarori bilan va mutaxassislari viloyat hokimining qarori bilan lavozimga tayinlanadi va lavozimdan ozod etiladi.

Hokimning yordamchisi va boshqaruv apparatining boshqa xodimlari hokimning qarori (farmoyish) bilan lavozimga tayinlanadi va lavozimdan ozod etiladi.

Tashkiliy-kadrlar guruhi, huquqni muhofaza qilish organlari faoliyati, harbiy safarbarlik va favqulodda vaziyatlar masalalari guruhi hamda ishlar boshqarmasi, axborot-tahlil guruhi, yuridik xizmat, hokim o‘rinbosarlarining kotibiyatlari to‘g‘risidagi nizomlar, shuningdek ular xodimlarining, hokim yordamchisining, bolalarni himoya qilish masalalari kotibiyati mudirining funksional vazifalari hokim tomonidan tasdiqlanadi.

Viloyat hokimining yordamchisi

F.I.SH: Tilakov Navruz Maxmudovich

Manzil: О‘zbekiston Respublikasi, Qarshi shahri, Mustaqillik maydoni, 1-uy.

Ish vaqti: 9:00 - 18:00

Tel: 221-18-20

Yangiliklar

Bog`lanish

Ish tartibi

Bizni kuzatib boring